Marekani yaituhumu Iran kuvuruga amani ya Mashariki ya Kati - Karafuu24 Blog

Breaking

Tuesday, 1 May 2018

Marekani yaituhumu Iran kuvuruga amani ya Mashariki ya Kati


Waziri wa Mambo ya Nje wa Marekani, Mike Pompeo ameituhumu Iran kwa shughuli zake katika ukanda wa Mashariki ya Kati, ambazo amesema kuwa zinauvurga ukanda huo.
Ameyasema hayo wakati Waziri Mkuu wa Israel,  Benjamini Netanyahu akisisitiza kuwa makubaliano ya nyukilia na Iran lazima yabadilishwe au yavunjwe ingawa mataifa mengine yanaunga mkono makubaliano hayo.
Mike Pompeo  amesema kuwa nia ya Iran kutaka kutawala siasa za  Mashariki ya Kati bado ipo palepale na akasema hawatapuuza vitendo hivyo vya Iran kama ilivyokuwa kwa utawala uliotangulia.
Aidha, amesisitiza kuwa rais Donald Trump atajiondoa kwenye makubaliano ya nyukilia na Iran iwapo hayatafanyiwa mabadiliko huku waziri mkuu wa Israel, Benjamini Netanyahu akiongeza kuwa kiu ya Iran kutaka kutengeneza bomu la nyukilia lazima izuiwe ikiwa ni pamoja na uchokozi wake.
Hata hivyo, kwa upande wake rais wa Iran Hassan Rouhani amesema kuwa makubaliano ya nyuklia na Iran hayawezi kujadiliwa upya.

No comments:

Post a Comment